PROGRAMI FLUTURUES I FËMIJËVE

Andi Ismaili, 13 vjeçi nga Gostivari, dy herë kampion bote në vallëzim

 

Që kur u njoftua si i vogël me vallëzim nga një i afërm, Andi Ismaili nuk ndaloi së ushtruari këtë lloj arti. Vetëm 13 vjeçar, ai mburret me sukseset e tij në garat e shumta, të cilat thotë se i ka shumë qejf. E titullin kampion i botës nuk e ka arritur vetëm një herë, por dy.

Baleti modern është pasioni i tij. Që nga kjo moshë shumë e vogël ka arritur të bëjë përvojë dhe të konkurrojë me valltarë nga shumë shtete të botës. Por motivi i madh për të fituar dhe puna e palodhshme e sollën Andin këtu ku është sot.