Në fund të vitit të kaluar, Cristiano Ronaldo, një nga futbollistët më të suksesshëm në botë, u fejua me të dashurën e tij Georgina Rodriguez.
Të gjitha mediat e botës menjëherë filluan të shkruanin se çifti do të dilte shpejt para altarit.
Megjithatë, Georgina tani ka zbuluar se dasma nuk do të mbahet edhe për një kohë, transmeton KsP.
“Do të doja të bëhesha gruaja e tij, por për momentin kemi përparësi të tjera. Në të ardhmen, do të ishte mirë të bëhem gruaja e tij”, tha ajo.
Aktualisht për çiftin s’po konsiderohet se është koha e duhur për martesë. Babai i Georgina vdiq pak ditë më parë, dhe Ronaldo kohët e fundit është ndjekur penalisht për evazion fiskal.
“Cristiano është mbështetja ime e madhe, kujdeset për mua në këtë periudhë të vështirë. Ai dhe fëmijët janë gëzimi im", tha Georgina.
Çifti i famshëm jeton së bashku në Torino, dhe pak më shumë se një vit më parë, ata u bënë prindërit e vajzës Alana Martin.
