Babai i Britney Spears zyrtarisht tërhiqet nga roli i kujdestarit të këngëtares

Babai i Britney Spears zyrtarisht tërhiqet nga roli i kujdestarit të këngëtares

11 September 2019 19:57

Babai i Britney Spears zyrtarisht është tërhequr nga roli i kujdestarit të yllit të popit.

Një gjykatës ka vendosur që menaxherja shumëvjeçare e këngëtares mund ta zërë vendin e Jamie Spears, ndërkohë që ai përqendrohet në shëndetin e tij gjatë pjesës tjetër të vitit.

Avokatët që e përfaqësojnë Britneyn, nëna e saj Lynn dhe ish-bashkëshorti Kevin Federline ishin në gjykatë në Los Angeles të hënën derisa gjykatësi i largoi mediat nga dhoma me kërkesën e avokatit të këngëtares së hitit “Toxic”, shkruan KOHA Ditore.

Një urdhër i përkohshëm hyri në fuqi duke e larguar Jamie dhe duke e miratuar Jodi Montgomery, sipas “The Blast”.

Jodi do ta ketë autoritetin t’i "kufizojë vizitorët në çfarëdo mënyre", ndërsa ajo gjithashtu do të jetë në gjendje t’i mbajë kujdestarët dhe rojat e sigurisë për Britney, dhe të komunikojë me mjekët e Spears për "trajtimin e saj mjekësor, diagnozën dhe testimin".

Jamie i paraqiti dokumentet javën e kaluar, duke i kërkuar gjykatësit në këtë rast që ta lejojë që të tërhiqet për "arsye mjekësore".

Ai aktualisht është nën hetim për abuzim të fëmijëve për gjoja grabitje dhe tronditje të djalit adoleshent të Britney, Sean Preston, muajin e kaluar. Federline, babai i fëmijës, e paraqiti një raport policor dhe fitoi një urdhër kufizues ndaj ish-vjehrrit të tij në emër të dy djemve të tij nga martesa e tij me Britneyn.

© KOHA. Të gjitha të drejtat janë të rezervuara.

Komentet

Shto koment

Të ngjashme