David Oyelowo kryeson aktorët e adaptimit filmik të librit të Bill Clintonit

David Oyelowo kryeson aktorët e adaptimit filmik të librit të Bill Clintonit

09 October 2019 22:42

Ylli i “Selma”, David Oyelowo, do ta udhëheqë adaptimin e serialit televiziv të bestsellerit të ish-presidentit të SHBA-së, Bill Clinton, “The President Is Missing”.

Drejtuesit e “Showtime” e kanë zgjedhur projektin, bazuar në librin e Clintonit me James Patterson, ndërsa tani Oyelowo ka pranuar të luajë dhe ta bëjë produksionin ekzekutiv, së bashku me ish-presidentin dhe skenaristin e trilerit.

Oyelowo do ta portretizojë një nënkryetar të pafuqishëm, i cili bëhet papritur president, shkruan KOHA Ditore.

"Davidi sjell shumë thellësi, ndjeshmëri dhe fuqi të madhe për çdo rol që luan," thotë për “Deadline”, Gary Levine, president i argëtimit në Showtime Networks. "Roli i tij kryesor na siguron që seriali ynë ta ketë suspancën emocionuese të një trileri politik së bashku me kompleksitetin interesant të një drame."

© KOHA

Komentet

Shto koment

Të ngjashme