Showbiz

Johnson zgjedh Dornanin para personazhit të “Fifty Shades”

Johnson zgjedh Dornanin para personazhit të “Fifty Shades”

Aktorja Dakota Johnson është bërë e njohur me filmat “How to Be Single”, “Suspiria” dhe “The Peanut Butter Falcon”, por ylli i Hollywoodit arriti të bëhej me rolin e saj në serinë e filmave “Fifty Shades”.

Aktorja edhe një herë i është kthyer romanit erotik teksa është pyetur për zgjedhje mes aktorit Jamie Dornan dhe personazhit të tij Christian Grey. Teksa po promovonte filmin e saj të ri “The High Note”, është pyetur nëse do të donte të ishte në një klub librash erotikë me Dornanin apo Greyn, transmeton KOHA. “Ndoshta Jamien... është më argëtues sesa Christian Grey”, ka thënë Dakota Johnson në emisionin “Stir Crazy with Josh Horowitz”. Johnsoni shkëlqeu në rolin e Anastasia Steele në tre filmat “Fifty Shades”. Ishte raportuar se ajo kishte mosmarrëveshje me aktorin, gjatë realizimit të tre filmave, por në emision ajo konfirmoi se gjithçka është në rregull.