Showbiz

Anitta hijeshon ballinën e revistës “Glamour” në numrin e titulluar “Self-Love”

Anitta hijeshon ballinën e revistës “Glamour” në numrin e titulluar “Self-Love”
 

Këngëtarja e njohur braziliane, Anitta, thotë se nuk i intereson mendimi i njerëzve për papërsosmëritë e saj. Kështu ka deklaruar në intervistën ekskluzive të realizuar për revistën “Glamour”, me ç’rast përfshihet në ballinën e numrit të ri të revistës me titull “Self-Love”, dhe që i dedikohet dashurisë dhe pranimit të vetvetes ashtu siç jemi.

Këngëtarja dhe aktorja latine 27-vjeçare, thotë se nuk e ka problem ta shfaq trupin me celulit në publik, pasi nuk ndikohet fare nga mendimet e njerëzve.

Anitta shquhet si një artiste me famë botërore e cila asnjëherë nuk ka hezituar të flas hapur për operacionet e saj plastike, dhe insiston se nënshtrimi i ndërhyrjeve kirurgjike nuk do të thotë se ajo nuk e pranon veten dhe papërsosmëritë e saj.

“Unë i kam bërë disa ndërhyrje kirurgjike. Jo ngaqë nuk e pëlqej veten ashtu siç jam, sepse nuk e kam bezdi t’i vë në pah papësosmëritë e mia, siç është celuliti në trup. Në fakt, unë më shumë kam celulit se oksigjen apo ujë në trupim tim. Dhe nuk ka tretman kozmetik që e ndryshon këtë realitet. Mund të mbajë dieta por i urrej ato. Mund të bëjë ushtrime fizike, por as ato nuk i pëlqej. Prandaj, nuk do ta kem një jetë me komplekse kur nuk mendoj asgjë tjetër përveç si ta largoj celulitin. Në fakt, unë preferoj të jetojë me papërsosmëritë e mia, dhe t’i pranojë ato. Nëse nuk ju pëlqej siç jam, ai është problemi juaj. Unë nuk do ta fsheh celulitin tim. Prandaj e shpalosi trupin tim në videoklipe pa hezituar, dhe nëse njerëzve ju pëlqen, mirë, nëse jo, edhe ajo është në rregull”, citohet të ketë thënë këngëtarja në intervistën e saj.

Ylli i hitir “Me Gusta” shquhet si shembull për adhurueset e saj, dhe tutje Anitta ka treguar se mundohet në maksimum që t'i inkurajojë fansat dhe ndjekësit e saj, që të mos e trajtojnë internetin si jetën e përditshme. Jo gjithçka që njerëzit e shfaqin në rrjetet sociale është reale, dhe jo gjithçka online është e mirë për vetëbesimin dhe shëndetin e të rinjve.

Anitta shquhet për hite të shumta si solo këngëtare, por edhe për bashkëpunime me yje të njohur të muzikës, si Cardi B, J Balvin, Tyga, Ozuna, grupi “Black Eyed Peas”, këngëtarja me prejardhje kosovare Rita Ora dhe të tjerë.