Kidman dhe McCarthy protagoniste të serialit “Nine Perfect Strangers”
Seriali “Nine Perfect Strangers” vjen së shpejti në platformën “Amazon Prime”.
Drama tetë episodesh bazohet në librin bestseller të autores australiane, Liane Moriarty, dhe e përfshinë një kastë aktorësh yje si Nicole Kidman dhe Melissa McCarthy.
E xhiruar në disa lokacione nëpër Australi, seriali e sjell historinë e nëntë personazheve të cilët shkojnë në një qendër e fokusuar në mirëqenien e klientëve të saj, duke ju premtuar shërim dhe transformim të jetës. Masha është drejtoresha e kësaj qendre e cila i vëzhgon klientët gjatë këtij pushimi dhjetë ditorë. Ajo është në mision për t’i gjallëruar mendjet dhe trupat e tyre të lodhur. Sidoqoftë, gjërat nuk janë siç duken në shikim të parë, dhe këta nëntë të huaj nuk e kanë idenë se çfarë po i pret.
Seriali e përfshinë një kastë aktorësh yje, si Nicole Kidman, Melissa McCarthy, Luke Evans, Tiffany Boone, Bobby Cannavale, Melvin Gregg, Regina Hall, Manny Jacinto, Asher Keddie, Michael Shannon, Grace Van Patten dhe Samara Weaving.
Tri episodet e para të serialit “Nine Perfect Strangers” e shënojnë premierën më 20 gusht, në platformën “Amazon Prime”.
