Showbiz

Festivalet e mëdha do të kërkojnë nga pjesëmarrësit dëshmi të vaksinimit

Foto: AP
 

Mysafirët që do të duan të ndjekin ngjarjet e mëdha si Met Gala, The Sundance Film Festival, The New York Fashion Week apo Cirque de Soleil, do të duhet të kenë provë të vaksinimit për të hyrë, është bërë e ditur.

Një zëdhënës ka thënë për Daily Beast se “Kushdo qe do të ndjekë The Met Gala në shtator të këtij viti, duhet të ketë dëshmi të vaksinimit të plotë e po ashtu do t’i kërkohet që të mbajë maskë në hapësirat e mbyllura, përveç kur janë duke ngrënë apo pirë”. Udhëzuesi lidhur me këto rregulla pritet të publikohet në ditët në vijim.