Albumi i Adeles i titulluar “30” ka arritur në vendin e parë, duke kaluar edhe grupin e famshëm “Abba” duke u bërë albumi më i shitur i vitit deri më tani.
261,000 shitjet e albumit në tabelën e javës së parë do të thotë se ai kaloi me shpejtësi albumin e rikthimit të grupit pop suedez Voyage, i cili u hap me 204,000 shitje.
Megjithatë, shifrat e shitjeve të Adelës janë dukshëm më të ulëta se ato të albumit të saj të mëparshëm “25”, të publikuar në vitin 2015.
Albumi “25”, i treti me radhë i saj, u hap me 800,000 shitje në javën e parë, që do të thotë se 30 ka shitur vetëm 32% të paraardhësit të tij.
Rënia mund të shpjegohet pjesërisht me rritjen e madhe të transmetimit në gjashtë vitet e fundit.
Përveç kësaj, pati një nxitje më të madhe për fansat për të blerë 25, pasi u mbajt jashtë platformave të transmetimit për gjashtë muajt e parë të lëshimit.
Adela ka bërë të ditur se tekstet e këngëve të albumit të ri kanë të bëjnë me divorcin nga ish-bashkëshorti me të cilin ka një djalë, dhe vështirësitë me të cilat është përballur gjatë kësaj periudhe.
© KOHA. Të gjitha të drejtat janë të rezervuara.
