Dwayne ‘The Rock’ Johnson i ka falënderuar fansat kjo pasi filmi i tij i fundit, “Red Notice”, u bë filmi më i shikuar në historinë e Netflixit.
Projekti i mbushur me skena aksion dhe humor, e sjell Johnsonin duke luajtur krahas yjeve tjerë të kinematografisë, Gal Gadot dhe Ryan Reynolds.
Pasi u bë i ditur lajmi se filmi ka thyer rekorde në platformën e njohur digjitale, duke u shndërruar në filmin më të shikuar në 93 shtete, mundësi i shndërruar në aktor pati arsye të mëdha për të festuar.
Aktori në postimin e tij të fundit në Instagram shkroi: “Unë dhe armiku im Ryan Reynolds ju ofrojmë një arsye pse filmi ynë i fundit, ‘RED NOTICE’, është bërë zyrtarisht filmi më i madh dhe më i shikuar në historinë e Netflixit. Për me pak se dy javë, ne kemi arritur t’i thyejmë të gjitha rekordet dhe na kanë mbetur edhe shumë javë të tjera për të kapur suksese të reja. Faleminderit shumë të gjithëve dhe shijojeni filmin anembanë botës”.
Aktori 49-vjeçar gjithashtu ka shërbyer si producent i filmit. Në të kaluarën ai e ka lavdëruar platformën Netflix, duke i përshkruar udhëheqësit e saj si bashkëpunëtorë ideal për këtë projekt unik.
“Red Notice” e sjell historinë e një agjenti të FBI-së me parime të mira, John Hartley, të cilit i caktohet detyra t’i sjell para drejtësisë disa prej kriminelëve më të mëdhenj në botë. Pa e menduar dhe planifikuar, ai ndeshet me dy hajdutë rival në mes të një grabitjeje, Nolan Booth dhe The Bishop. John vendos ta bëjë një marrëveshje me Nolanin për t’i ndihmuar ta arrestojë hajduten e talentuar, The Bishop, dhe si shpërblim për ndihmën e tij, i premton Nolanit se do ta shpëtojë nga telashet me të cilat është ngatërruar.
Filmi i mbushur me skena aksion dhe momente komike i cili vjen me regji të Rawson Marshall Thurberit, është projekti më i shtrenjtë i Netflixit deri më tani, i realizuar me një buxhet prej 200 milionë dollarësh.
