Producenti dhe DJ i famshëm skocez, Calvin Harris, e ka paralajmëruar një koncert të madh në stadiumin “Hampden Park” të qytetit Glasgow.
Përmes rrjeteve sociale, Calvini i ka ndarë disa hollësi rreth shout i cili do të zërë vend gjatë kësaj vere.
Kjo do të jetë performanca e parë në vendlindje pash gjashtë vjetësh për yllin e muzikës, i cili në vitin 2017 e lansoi albumin e fundit të incizuar në studio, “Funk Wav Bounces Vol. 1”.
Harris do të performojë në stadiumin “Hampden Park” me një kapacitet prej 52 mijë ulësesh, ku zakonisht organizohen lojë të futbollit që e përfshijnë ekipin kombëtar të Skocisë, kurse biletat e koncertit do të dalin në shitje nga e premtja.
Gjatë këtij viti, “Hampden Park” do të jetë nikoqir edhe i koncerteve të disa artistëve tjerë të famshëm, si Liam Gallagher, Ed Sheeran, Gerry Cinnamon dhe grupi “Coldplay”.
Në anën tjetër, Calvin Harrisin e pret një verë e ngjeshur me angazhime pasi e ka konfirmuar pjesëmarrjen në festivale të tillë si, “EXIT”, “Creamfields South”, “Sziget”, “Belsonic”. Ai gjithashtu do t’i ketë disa performanca në hotelin “Ushuaïa” në Ibiza, nga qershori deri në muajin shtator.
Në muajin janar DJ shumë i dashur nga publiku e lansoi këngën “Lonely: në bashkëpunim me artistët, Love Regenerator, Riva Starr dhe Sananda Maitreya. Ndërsa, vitin e kaluar Harris bashkëpunoi me këngëtarin, Tom Grennan, në këngën “By Your Side’.
© KOHA. Të gjitha të drejtat janë të rezervuara.
