Showbiz

“DC League of Super-Pets” shënon hapje të mirë në arkat filmike

 

Filmi i animuar “DC League of Super-Pets” po i kryeson arkat filmike të Amerikës Veriore këtë javë, me arkëtimin e 23 milionë dollarëve në tri ditët e para të hapjes. Kështu, ai e mundi projektin e ri të aktorit të shndërruar në regjisor Jordan Peele, “Nope”, duke u pozicionuar në vendin e parë të kësaj liste.

Sipas portali “Variety”, filmi i sapolansuar po ashtu ka arritur t’i fitojë 18.4 milionë dollarë nga shitja e biletave nëpër kinematë ndërkombëtare, duke e çuar shifrën e arkëtuar deri më tani në 41.4 milionë dollarë.