Georgina Rodriguez bën tatuazh për foshnjën që e humbi gjashtë muaj më parë
Georgina Rodriguez ka bërë një tatuazh në trupin e saj, gjashtë muaj pas humbjes së një prej foshnjave të saj binjake.
E dashura e Cristiano Ronaldos, dha një pasqyrë të udhëtimit të saj në ishullin italian të Sardenjës të enjten, teksa zbuloi tatuazhin e saj të ri, raportoi Daily Mail të premten.
Ish-asistentja e shitjes, 28 vjeç, dhe futbollisti, 37 vjeç, njoftuan humbjen tragjike të djalit të tyre gjatë lindjes, më 18 prill – derisa vajza e tyre Bella Esmeralda mbijetoi.
Disa ditë më parë Georgina bëri një vizitë të papritur në vendin e shenjtë të Fatimës në Portugali.
Ajo iu bashkua pelegrinëve dhe adhuruesve të tjerë fetarë me vizitën e saj të fundjavës në vendin ku Virgjëresha Mari thuhet se iu shfaq tre fëmijëve më shumë se 100 vjet më parë.
Georgina kaloi kohë në Sanctuary Fatima për të kërkuar udhëzime shpirtërore, duke shkruar në një postim krahas një serie fotosh që postoi në Instagram: 'Vazhdoni të drejtoni dhe ndriçoni rrugën time, virgjëreshë e vogël' e ndjekur nga një emoticon zemre dhe engjëlli.
Georgina ka edhe një vajzë me të dashurin e saj, Cristiano Ronaldo.
