Prokurorët pretendojnë se Alec Baldwin nuk i ndoqi nga afër stërvitjet me armë pasi po fliste në telefon
Prokurorët në New Mexico të SHBA-së kanë pretenduar se aktori Alec Baldwin nuk ndoqi stërvitjet me armë në xhirimet e filmit “Rust” dhe bisedoi në telefon, e më pas nga pakujdesia kishte vrarë kolegen e tij Halyna Hutchins në vitin 2021.
Baldwin thuhet se nuk mori masat e nevojshme të sigurisë me Hannah Gutierrez-Reed, detyra e së cilës ishte të kujdesej për armët dhe plumbat. Gjithashtu u konstatua se ajo mori punën në këtë film falë Baldwinit, megjithëse më parë kishte punuar vetëm në një xhirim.
“Devijimi i Baldwin nga rregullat shkaktoi vdekjen e Halyne Hutchins”, thanë prokurorët.
Baldwin e Gutierrez-Reed u akuzuan për vrasje të paqëllimshme.
Aktori mohoi keqbërjen, duke thënë se kurrë nuk e tërhoqi këmbëzën dhe se ishte puna e Gutierrez-Reed dhe ekspertëve të tjerë të armëve që të siguroheshin që arma ishte e thatë.
Familja e viktimës u shpreh e kënaqur me akuzat.
Xhirimet e “Rust” do të vazhdojnë ende dhe Matthew Hutchins, burri i Halynas, do të jetë producent ekzekutiv dhe do të marrë një pjesë të fitimeve.
