Figura e re prej dylli e reperit Drake ekspozohet në Londër
Foto: AP/Associated Press
Drake është bërë me figurë të re prej dylli në muzeun “Madame Tussauds” në Londër.
Realizimi i kësaj figure është inspiruar nga paraqitja befasuese e reperit në festivalin “Wireless” në vitin 2021, ndërsa do të ekspozohet në një zonë të muzeut e njohur me emrin, “Impossible Festival Music”, ku gjenden edhe figurat prej dylli të artistëve të tillë si, Stormzy, Freddie Mercury dhe Amy Ëinehouse.
Ikona kanadeze e muzikës, i cili së bashku me reperin 21 Savage është nominuar për çmimin “Brit Award” në kategorinë, “Grupi më i mirë ndërkombëtarë”, e ka një bazë të madhe adhuruesish në Londër, prandaj udhëheqësit e muzeut “Madame Tussauds” mendojnë se figura e tij do ta tërheqë vëmendjen e vizitorëve.
Të gjithë të interesuarit kanë mundësi të shkojnë për ta parë sozinë e idhullit të tyre, Drake, nga 10 shkurti.
+ 3
Megjithëse kohëve të fundit, Drake, ka qenë goxha i përkushtuar në rolin e tij si baba, duke kaluar kohë të madhe me të birin, Adonisin, kujdestarinë e së cilit e ndanë me nënë e tij, Sophie Brussaux, reperi i famshëm nuk e ka lënë anash muzikën. Ai është kujdesur të lansojë vazhdimisht videoprojekte të reja për fansat e tij anembanë botës, përfshirë këtu edhe disa bashkëpunime me reperin 21 Savage.
Kënga e fundit e lansuar nga Drake e mban titullin “Jumbotron Shit Poppin”, dhe është publikuar para tri javëve në platformat muzikore.
