Aktori i nominuar për çmimin Oscar, Barry Keoghan, është në bisedime për t’iu bashkuar Paul Mescalit në vazhdimin e filmit Gladiator 2, ka raportuar të dielën “Hollywood Reporter”.
Keoghan pritet të luajë një personazh të quajtur Perandori Geta, i cili ishte një perandor i vërtetë romak.
Ai do t’i bashkohet filmit pas një sërë çmimesh shumë të suksesshme, duke përfshirë edhe nominimin për aktorin më të mirë në rol dytësor në Oscars që u mbajt fundjavën e kaluar.
Kohët e fundit u njoftua një vazhdim i “The Batman”, me Keoghanin pjesë të tij.
“Gladiator” ishte një hit masiv financiar në arkat botërore në treg, duke fituar 457 milionë dollarë në mbarë botën. Ai u nominua për 12 çmime Oscar, duke fituar 5, përfshirë filmin më të mirë dhe aktorin më të mirë për rolin e Croëe si Maximus në vitin 2001.
© KOHA.
