Katy Perry fiton 225 milionë dollarë duke shitur pesë albume
Këngëtarja amerikane, Katy Perry, ka fituar rreth 225 milionë dollarë nga shitja e një pakete të të drejtave të saj muzikore te Litmus Music, raportoi të martën BBC-ja.
Shitja, e cila u njoftua të hënën, përfshin pesë albume të Perryt, ku hynë edhe hitet si “Firework”, “Teenage Dream”, “Hot’n’Cold”, “California Gurls” dhe “I Kissed A Girl”.
Kjo po konsiderohet edhe si marrëveshja më e madhe për një artist brenda këtij viti.
Litmus tani zotëron aksionet e Perry-t në regjistrimet kryesore dhe botimet për disqet, që do të thotë se do të mbledhë çdo honorar në të ardhmen që fiton muzika.
Blerja e të drejtave të muzikës është biznes në lulëzim përgjatë dy vjetëve të fundit, me artistë duke përfshirë Bob Dylan, Neil Young, Shakira, Debbie Harry dhe Justin Timberlake.
