Shtojca për Kulturë

Ndarja muzikologjike

Fahri Beqiri (6 prill 1936 – 18 maj 2021)

Rikthimi në muzikën e shkruar artistike, nderim ndaj meritorëve

 

Në njëmujorin e vdekjes së kompozitorit, prof. Fahri Beqiri

Rikthimi në muzikën e shkruar artistike, nderim ndaj meritorëve

Në pothuajse tetë dekada të muzikës artistike në Kosovë, krijuesit e saj, kompozitorët, kanë dëshmuar karrierë të pasur muzikore. Por, sa kemi arritur të bëjmë ne në raport me vlerësimin e tyre. Dhe jo, këtu nuk po mendoj për futjen e krijimeve në kuadër të programeve të institucioneve të larta performuese në vend dhe kjo në masë të madhe e realizuar në përvjetorë e manifestime të ngjashme, dhe as me ndarjen e shpërblimeve të pakta për karrierë e krijimtari të cilat sot ne i posedojmë. Ne, si komunitet, si hulumtues e bartës të aktiviteteve muzikore do të duhej të gjenim një formë për të manifestuar punën e tyre, në veçanti derisa ata frymojnë së bashku me ne, me anë të muzikës të cilën ata e krijojnë.