Në mesin e tullumbave, bakllavës, qumështit me oriz e ëmbëlsirave me fiq, në ëmbëltoren më të vjetër në qytetin e Lipjanit më të kërkuarit janë eklerat, ato që si përbërës kryesor kanë miellin, vajin e vezët.
Në mesin e tullumbave, bakllavës, qumështit me oriz e ëmbëlsirave me fiq, në ëmbëltoren më të vjetër në qytetin e Lipjanit më të kërkuarit janë eklerat, ato që si përbërës kryesor kanë miellin, vajin e vezët.
Receta e tyre nuk ka ndryshuar në 70 vjetët e fundit, prej kur babai i Beshir Ismailit e mësoi atë në Bullgari.
Të shumtë janë ata që vijnë në Lipjan nga qytetet e tjera për ta shijuar këtë lloj ëmbëlsire. Edhe vetë pronarët këtu kanë ardhur nga Dragashi për të sjellë recetat e famshme të kësaj ane.
Faruk Byqmeti ka ardhur për vizitë në Kosovë nga Kopenhaga. Ai nuk largohet nga atdheu pa ngrënë një ëmbëlsirë këtu.
Edhe me ngritjen e çmimeve të produkteve si vaji e sheqeri, çmimi i eklerave mbeti i njëjtë.
Kjo për të pasur mundësi t’i shijojë secili.
Ëmbëltorja “Shejlla” ende e ka pamjen klasike, që ëmbëltoret në kohët e kaluara e mbanin.
Kjo për arsye se më shumë është i fokusuar në mbajtjen e pastërtisë e shërbimin sa më të mirë për klientët, thotë Beshir Ismaili.
Me anë të kësaj veprimtarie Ismaili ka arritur ta sigurojë jetesën që prej kur e ka trashëguar nga babai.
E të njëjtën gjë e ka bërë edhe ai me djemtë e tij, të cilët edhe pse kanë profesione të tjera shpeshherë marrin pjesë në përgatitje të produkteve.
Në një ditë të zakonshme shiten rreth 400 eklera, e në festa dhe kur vijnë mërgimtarët shitja e tyre shkon deri në 1000 copë për një ditë.
© KOHA. Të gjitha të drejtat janë të rezervuara.
