Në dhomën e punës, përreth tavolinës janë ulur anëtarët e klubit “Dëshira” në Prishtinë e po krijojnë kartolinat e fundvitit.
Shumëngjyrëshe e me plot dizajne janë këto të fundit.
Çdo herë punojnë nën mentorimin e stafit, përfshirë këtu edhe psikologen Donjeta Gjonbalaj.
Klubi për personat me aftësi të kufizuara mendore, sipas Gjonbalajt, në fundvit krijon kartolina për t’i shitur e për të siguruar të ardhurat e qendrës.
Nga 190 persona të anëtarësuar, për Lumnije Demollin ky vend u bë shtëpia e dytë, qysh në vitin 2004. Kartolinat nuk janë shkathtësia e vetme që ka zhvilluar.
Disa të tilla thotë se i ka dhuruar për ditëlindje.
Sipas Donjetës, pavarësimi i kësaj kategorie, socializimi dhe krijimi i shkathtësive të reja janë pikat kyç të klubit.
Qëndrimi e Dritoni janë pjesëtarët e tjerë që me padurim presin mëngjeset në qendër. Njëri bën apel për blerje e tjetri thotë se është më i aftë në shitje.
Me lule, zemra, yje e shumë forma, Qëndresa i dizajnon kartolinat.
Klubi “Dëshira” ka pasur përkrahje edhe nga Komuna e Prishtinës dhe Ministria e Financave dhe Transfereve.
Së shpejti presin të bëhen me qendër të re.
© KOHA. Të gjitha të drejtat janë të rezervuara.
