Sport

Lojtari i synuar nga Kosova shënon golin e parë në Bundesligë

Lojtari i synuar nga Kosova shënon golin e parë në Bundesligë

Elvis Rexhbeçaj është njëri prej lojtarëve për të cilët në Federatën e Futbollit të Kosovës shpresojnë se do të zgjedhë që të luajë për Kosovën. Rexhbeçaj 21-vjeçar ende nuk ka veshur fanellë të përfaqësueses, por në nivel klubesh po përjeton zhvillimin e duhur. Ai të dielën shënoi golin e parë personal në Bundesligën gjermane.

Goli i tij në fund nuk kishte vlerë pikësh, pasi Wolfsburgu pësoi 2:1 në udhëtim nga Schalke. Ndeshja i takoi xhiros së parë të pjesës së dytë të kampionatit gjerman, ndërsa u luajt para 59 mijë shikuesve në Gelsenkirchen, shkruan sot Koha Ditore.