Me gjithë zhurmën që i parapriu Kuvendit të Rregullt të Punës të Federatës së Futbollit të Kosovës (FFK), punimet shkuan qetë dhe shpejt.
Delegatët që për ditë të tërë në media folën e akuzuan, të enjten në Kuvendin e mbajtur në Prishtinë nuk u dëgjuan, shkruan sot “Koha Ditore”.
Të gjitha raportet u aprovuan unanimisht prej 54 delegatëve sa ishin të pranishëm në sallë. Katër munguan.
Javë më parë nisën zhurmat si shprehje e pakënaqësisë në lidhje me udhëheqësit aktualë të FFK-së. Madje, ishte paralajmëruar se ishin mbledhur nënshkrime për shkarkimin e presidentit Agim Ademi. Por këto mbetën vetëm fjalë e shkrime në Facebook.
Madje te delegatët nuk pati as kundërshtime e as abstenime kur duhej të votonin. Për këtë qetësi dhe mbarëvajtje të punëve ka mbetur i befasuar për të mirë edhe vetë kreu i FFK-së, Ademi.
(Artikullin e plotë mund ta lexoni sot në “Koha Ditore”)
Artikullin e plotë mund ta lexoni në gazetën Koha Ditore. Klikoni këtu për t’u regjistruar falas.
© KOHA. Të gjitha të drejtat janë të rezervuara.
