Sport

Gara e ashpër për titull "bartet" në pesë xhirot e fundit

Gara e ashpër për titull

Nuk ka ndryshuar asgjë në garën për titull xhiroja e 28-të e IPKO Superligës së Kosovës në futboll, që nisi të shtunën e përfundon të hënën (sot). Tri skuadrat pretendente për titull të kampionit kanë shënuar fitore dhe kështu gara mes tyre ka mbetur në pikën e njëjtë, ku ishte para se të fillonte xhiroja e 28-të. Presioni te Feronikeli, Prishtina e Llapi është rritur edhe më shumë, ndërsa secili gabim eventual në pesë xhirot e fundit mund të largojë këto tri skuadra nga gara për kampion.

Pasi të shtunën fitore shënuan Prishtina e Drenica, të dielën të njëjtën gjë e bëri edhe Feronikeli. Për dallim nga Prishtina, që fitoi 1:0 në udhëtim ndaj Gjilanit me gol të shënuar fare në fund, Feronikeli e mposhti KEK-un me rezultat bindës, 4:0. Llapi të shtunën fitoi 2:0 ndaj Drenicës në Skënderaj, shkruan sot Koha Ditore.