Mane kualifikon Senegalin në çerekfinale të Kupës së Afrikës
Sadio Mane vazhdon të jetë vendimtar edhe me kombëtaren e tij, pasi e ka kualifikuar Senegalin në çerekfinale të Kupës së Afrikës.
Kombëtarja e Senegalit ka mposhtur Ugandën me rezultat 1:0, me golin e yllit të Liverpoolit.
Mane, golin e vetëm dhe të fitores për kombëtaren e tij e realizoi në minutën e 15-të, transmeton “Sporti në KTV”.
Senegali, në çerekfinale do të takohet me befasinë e këtij edicioni, Kombëtaren e Beninit, të cilët më parë kanë eliminuar pas penalltive kombëtaren favorite të Marokut.
