Adriani, nga një portier pa punë deri te hero i Liverpoolit

Adriani, nga një portier pa punë deri te hero i Liverpoolit

16 August 2019 12:10

Portieri spanjoll, Adrian, ishte pa klub dy javë më parë. Ishte një nga shumë lojtarë pa angazhim që po kërkonin punë për stinorin vijues. 

Por të mërkurën mbrëma ai u bë hero i Liverpoolit në serinë e ekzekutimit të penalltive, për çka i mundësoi skuadrës të fitojë Superkupën e Evropës ndaj Chelseat. Adrian 32-vjeçar ishte liruar nga West Ham Unitedi në fund të stinorit të kaluar, por iu dha shpresë për të vazhduar jetën në Premier League nga trajneri i Liverpoolit, Juergen Klopp. 

Ai e mori Adrianin si portier të dytë, si zëvendësim për brazilianin Alisson Becker. Për të ishte parashikuar një stinor duke e ngrohur stolin, me ndoshta disa paraqitje në ndeshje të kupës, shkruan sot Koha Ditore.

Mirëpo, në ndeshjen hapëse të Liverpoolit në Premier League kundër Norwich Cityt, portieri i parë Alisson mori lëndim të pulpit dhe kështu porta iu besua Adrianit. 

Ai ishte titullar në ndeshjen e Superkupës të Evropës të mërkurën dhe pasi ndeshja përfundoi 2:2 pas shtesave, Adrian priti penalltinë e pestë të Tammy Abrahamit dhe ia siguroi trofeun Liverpoolit...(Më gjerësisht lexoni në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme