Sport

FIBA: “Vreshtarët” nga Kosova të gatshëm të shkruajnë histori në Europe Cup

FIBA: “Vreshtarët” nga Kosova të gatshëm të shkruajnë histori në Europe Cup
 

Uebfaqja zyrtare e Federatës Botërore të Basketbollit, FIBA, ka shkruar për debutimin historik të Rahovecit në FIBA Europe Cup.

“Është shumë herët të përshkruhet si përrallë rruga e Rahovecit nga divizionet e ulëta në Kualifikimet për FIBA Europe Cup, por pak a shumë ashtu është. Vetëm katër vjet që nga promovimi në Superligë, nivelin më të lartë të garave në Kosovë, një klub nga një vend i ri evropian, do të debutojë në garën ndërkombëtare. Kur Rahoveci përballet me Cluj Napocan e Rumanisë më 2 tetor, ngjarja do të mbahet mend si historike për ekipin vendas, pavarësisth rezultatit”, ka shkruar kjo faqe.