Kampioni pret fitore në derbi për të mbetur lider

Kampioni pret fitore në derbi për të mbetur lider

02 October 2019 10:15

Te Feronikeli janë të përkushtuar të mbajnë pozitën e parë në tabelën e Ipko Superligës së Kosovës në futboll. Kampioni aktual udhëheq me 15 pikë nga shtatë ndeshje, ndërsa fare pranë me nga 14 pikë i rrinë Drita, Llapi e Ballkani. Kështu skuadrës nga Drenasi vetëm fitorja në derbi ia garanton mbetjen në krye të klasifikimit.

Feronikeli e pret Llapin e Podujevës në kryendeshjen e xhiros së tetë të kampionatit të Kosovës në futboll, shkruan sot Koha Ditore.

Ndeshja zhvillohet të mërkurën (sot, 14:30) në stadiumin "Rexhep Rexhepi" në Drenas.

Feronikeli e Llapi edhe edicionin e kaluar kanë luftuar për titull deri në fund, së bashku me Prishtinën. Edhe këtë edicion këto tri skuadra, së bashku me Dritën e Gjilanin, vlerësohen kandidate për titull. Dhe rezultatet në derbi vlerësohet se ndikojnë shumë në garën për të parin e futbollit kosovar.

Feronikeli fundjavën e kaluar fitoi 5:0 në shtëpi ndaj Ferizajt. Ndërkohë Llapi fitoi me shumë vështirësi ndaj Dukagjinit, 2:1.

"E vlerësojmë maksimalisht skuadrën e Llapit. Llapi është gjithnjë në ndjekje të titullit dhe ka lojtarë cilësorë. Do të jetë ndeshje e fortë, por luajmë si vendas dhe kam shumë besim te skuadra. Jemi në formë të mirë dhe presim fitore nesër", ka thënë të martën Yll Hoxha, njëri prej lojtarëve kryesorë të Feronikelit....(më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme