Palushaj, ylli shqiptar i hokejit

Palushaj, ylli shqiptar i hokejit

09 October 2019 10:55

Kur kuptoj se çka kaluar babai i tij në moshë të re, modestia tek Aaron (Agron) Palushaj u rrit shumë. Ai në të njëjtën kohë vlerësoi më shumë se si ka rrjedhur jeta e tij. Ai nuk kishte ndonjë pengesë që babai i tij e kaloi si i ri.

Tom Palushaj (58) ka emigruar në SHBA në vitin 1973 me prindërit e tij, gjashtë vëllezërit dhe tri motrat, përcjell Koha Ditore shkrimin e Blick.

"Rreth 40 mijë shqiptarë jetojnë përreth Detroitit. Industria e veturave, që ishte në zhvillim të hovshëm në vitet 1970-ta, kishte nevojë për shumë punëtorë nga Evropa", thotë hokeisti i ri i skuadrës HC Davos.

Babai i tij ishte 13-vjeçar në atë kohë. Ai dhe vëllezërit e motrat e tij është dashur po ashtu të fitojnë para duke punuar si enëlarës në restorant.

Klikoni këtu për ta lexuar numrin e sotëm të Kohës Ditore FALAS

"Ai ka dashur të realizojë ëndrrën e tij amerikane", thotë lojtari profesional i hokejit në akull.

Këtë e ka bërë Tom Palushaj. Ai në moshën 20-vjeçare e hapi restorantin e tij. Dhe në komunitetin shqiptar, ai takoi nënën e Aaronit, Ritën (54), që emigroi së bashku me familjen e saj të madhe në moshën tetëvjeçare. Ata u martuan, krijuan familje.

"Ata kanë shpresuar për jetë më të mirë në SHBA, për edukim më të mirë për mua dhe për tri motrat e mia. Ata deshën të na japin më shumë mundësi për jetën tonë". Ata lanë çdo gjë prapa".

Shqiptari Tom Palushaj është rritur në Mal të Zi, në një fshat të vogël malor në regjionin e Malësisë, pranë kufirit me Shqipërinë. Djali i tij, Aaroni e ka shoqëruar atë në vendlindje për herë të parë në vitin 2017, në funeralin e gjyshit të tij.

"Peizazhi atje është thjesht mahnitës", thotë Aaron Palushaj. Rrënjët e tij janë atje dhe Aaroni është krenar për këtë.

Gjuha e tij amtare është shqipja, familja e tij është pjesë e komunitetit të madh shqiptar në Detroit.

"Jemi të afërt atje, të gjithë ndihmojmë njëri-tjetrin atje. Vlerësoj këtë ndihmë për tjetrin në kulturën tonë".

Palushajt vizitojnë kishën shqiptare. Nëna Rita gatuan gjëra tradicionale, i përgatit vetë djathin dhe jogurtin. Ndonëse familja e tij mban traditën shqiptare, Aaroni vlerëson edhe atë amerikane. Kështu që Aaron Palushaj ka dy zemra në gjoks. "Ndihem se u përkas të dyjave, si amerikan dhe si shqiptar".

Si fëmijë - tipike për shqiptarët - ai luajti futboll. "Babai im nuk ka mundur të bëjë këtë në rini, prindërit nuk kanë mundur t'ia ofrojnë atë". Për 30-vjeçarin situata ishte ndryshe.

Aaron Palushaj, megjithatë, nuk është bërë futbollist, por lojtar i hokejit - për shkak të mësuesit të tij në shkollën fillore. Pasi hyri në klasë për herë të parë, vërejti menjëherë posterët e shumë lojtarëve të hokejit. Mësuesi i tij ishte fans i madh i Detroti Red Wings dhe legjendës Steve Yzerman.

"Sidomos pajisjet e lojtarëve më kanë fascinuar. Dhe mësuesi më tha që absolutisht duhet të shikojë një ndeshje të Ligës NHL", tregon Palushaj.

Kur Palushaj i tha babait të tij se preferon të luajë hokej para futbollit, ai mbeti pak i befasuar. Në moshën tetëvjeçare ai ishte në patina për herë të parë. "Menjëherë më pëlqeu hokeji më shumë se futbolli. Dhe prindërit u angazhuan shumë që unë t'ia dal".

Prindërit e bënë të mundur realizimin e ëndrrës së djalit të tyre të vetëm: Aaron Palushaj doli i suksesshëm në Ligën NHL. Në ndeshjen e tij të parë në kolegj, mësuesi i fillores ishte në mesin e tifozëve. Pas 13 klubeve gjatë 10 vjetëve, Palushaj ka firmosur për dy vjet me Davosin. Është kthyer të martën në arenë, pas një lëndimi në bërryl. "Do të shijoj paraqitjen në këtë ligë. Është nder të jem në këtë vend".

© KOHA. Të gjitha të drejtat janë të rezervuara.

Komentet

Shto koment

Të ngjashme