Sport

Rruga e Kosovës drejt “Euro 2020” me shumë të panjohura

Rruga e Kosovës drejt “Euro 2020” me shumë të panjohura

Kosova të premten (sot) mëson nëse në tentim për të arritur në “Euro 2020” duhet të bëjë dy udhëtime apo vetëm një. Është e qartë që më 26 mars të vitit tjetër përfaqësuesja e Kosovës në futboll do të luajë në udhëtim ndaj Maqedonisë Veriore, në gjysmëfinale të plejofit të Ligës D të Ligës së Kombeve të UEFA-s.

Në gjysmëfinalen tjetër të plejofit të Ligës D takohen Gjeorgjia e Bjellorusia, të njëjtën ditë. Shorti i së premtes do të përcaktojë se fituesi i cilës gjysmëfinale do të jetë vendas në finale të plejofit të Ligës D, që zhvillohet më 31 mars. Fituesi i finales kualifikohet në Evropian, shkruan sot Koha Ditore.