Italia do ta nderojë për një javë të tërë Bryantin

Italia do ta nderojë për një javë të tërë Bryantin

28 January 2020 09:26

Në vendin ku është rritur, në Itali, do të mbahet zi për Kobe Bryantin për një javë të tërë. Federata e Basketbollit e Italisë ka njoftuar të hënën se ka urdhëruar të aplikohet një minut heshtje në të gjitha ndeshjet, në të gjitha rangjet e kategoritë për një javë të tërë. 

“Është një gjest i vogël, por nga zemra. Një gjest që e meriton për të nderuar jetën dhe kujtimin e Kobe Bryantit, një kampion absolut që gjithmonë kishte Italinë në zemrën e tij. Kobe ishte dhe do të jetë gjithmonë i lidhur me shtetin tonë”, është thënë në komunikatë të Federatës, shkruan sot Koha Ditore.

Bryant jetoi në Itali nga mosha 6vjeçare deri në atë 13-vjeçare me babain e tij, Joe Bryantin, që kishte luajtur për disa skuadra italiane. 

Ai u kthye në Pennsylvani për shkollë të lartë. Kobe Bryant fliste rrjedhshëm gjuhën italiane dhe shpesh kishte thënë se do të ishte ëndërr të luante në Itali. 

Ëndrra gati sa iu realizua kur Bryant ishte pranë t’i bashkohej Virtus Bolognas në vitin 2011 gjatë “lokautit” të NBA-së. Transferimi dështoi vetëm pasi u arrit marrëveshja dhe vazhdoi stinori në NBA. 

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme