Sekretari i FFK-së për futbollistët e Përfaqësueses: “Gjest i pahijshëm por nuk mund t'ua ndalim”

Sekretari i FFK-së për futbollistët e Përfaqësueses: “Gjest i pahijshëm por nuk mund t'ua ndalim”

28 January 2020 14:15

Kombëtarja e Kosovës në futsall sot është nisur për në Gjeorgji, atje ku do të marrë pjesë në raundin e parë kualifikues për kampionatin Evropian të futsallit “Euro 2020”.

Mirëpo pak minuta para nisjes, futbollistet e Kosovës janë parë duke pirë duhan në hapësirat e aeroportit “Adem Jashari”.

Në një prononcim të shkurtër për kp, sekretari i përgjithshëm i Federatës së Kosovës, Eroll Salihu foli rreth këtij rasti, duke e cilësuar këtë gjest si të pahijshëm mirëpo sipas tij, ata nuk mund të ua ndalojnë futbollistëve pirjen e duhanit.

“Me të vërtete është një gjë e pahijshme. Nuk është në rregull aspak. Lojtarët në momentin që prezantojnë Kosovën, kanë të veshur fanellën e Kosovës assesi nuk iu lejohet të pinë duhan në vendet publike, është totalisht e pa tolerueshme mirëpo ne nuk mund të jua ndalojmë atyre duhanin në jetën e tyre private”, tha fillimisht Salihu.

Lexoni edhe: Lojtarët e përfaqësueses së Kosovës ndezin nga një cigare para nisjes për në Gjeorgji

Sa i përket një dënimi të mundshëm për futbollistët të cilët u panë duke pirë duhan, Salihu deklaroi se duhet të bisedohet më përzgjedhësin e Kosovës, Ramadan Cimili-n dhe më pas të vendoset për një gjë të tillë.

“Nuk mund ti dënojmë menjëherë. Ata nuk kanë bërë aspak mirë. Do të bisedojmë me përzgjedhësin, Ramdan Cimilin dhe të ju japim vërejtje lojtarëve që kanë qenë të përfshirë në këtë ngjarje”, përfundoi Salihu.

Kujtojmë se në këto kualifikime Dardanët e futsallit do t’i luajnë tri ndeshje, kundër Austrisë më 29 janar, në orën 16:00, kundër Gjermanisë, më 30 janar, po ashtu në orën 16:00 dhe kundër Gjeorgjisë, më 2 shkurt, në orën 22:00./kp

Komentet

Nazim Haxha29/01/2020 15:21

E tani cuditemi pse nuk na done askushi na afersi,nuk kemi shtet,e shume gjera tjera te nevojshme qe i ka nje popull i kultivuar,e kulturuar.Po keto gjera jane elementare,pasqyre e nje populli,o matrapaza.Keshtu eshte kur keta "individ" nuk kane mesuar as ne shkolle,e edhe me pak nga familja se cka do thote sjellja e mire,bon-toni.Mjerim me keto gjenerata te pasluftes.Mjerim!!!

Shto koment

Të ngjashme