Sulmuesi i Kosovës, Vedat Muriqi me Fenerbahçen ka pësuar humbje të dielën në derbin e Stambollit nga Galatasaray.
Fenerbahçe u mposht 3:1 në shtëpi, në ndeshjen që i takoi xhiros së 23-të të Superligës së Turqisë.
Fenerbahçe kaloi në epërsi në minutën e 21-të. Muriqi nxorri penalltinë nga e cila shënoi Max Kruse.
Por, Fenerbahçe nuk arriti të mbante epërsinë. Ryan Donk (40’), Radamel Falcao (80’) dhe Henry Onyekuru (90’) shënuan për Galatasarayn.
Në ndeshje nuk munguan tensionet. Dy skuadrat mbetën me një lojtarë më pak, pasi u përjashtuan me të kuq në minutën e 84-të, Deniz Turuc i Fenerbahçes dhe Younes Belhanda i Galatasarayt.
Muriqi luajti tërë ndeshjen.
Fenerbahçe zë vendin e gjashtë pas 23 ndeshjeve me 38 pikë, shtatë më pak se Trabzonspori që kryeson renditjen.
17:44
Muriqi nxjerr penallti
Sulmuesi i Kosovës, Vedat Muriqi ka nxjerr penalltinë nga e cila Fenerbahçe ka shënuar golin e epërsisë për 1:0 kundër Galatasarayt në derbin e Stambollit.
Muriqi u pengua në zonë në minutën e 20-të, ndërsa pasi u rishikua rasti nëpërmjet sistemit VAR nga pika e bardhë shënoi Max Kruse.
Galatasaray barazoi shifrat në 1:1 me Ryan Donkun (40’)
