Tifozët e Lecces sulmohen rrugës për në Romë

Tifozët e Lecces sulmohen rrugës për në Romë

23 February 2020 19:26

Tifozët e klubit të Serie A së Italisë, Lecce janë sulmuar nga qindra tifozë rivalë nga Bari, ndërsa ata po udhëtonin për në Romë për ndeshjen e të dielës kundër Romës, njoftojnë mediumet lokale, transmeton Koha.net.

Përleshjet kanë ndodhur në afërsi të Ofantos, që gjendet mes Barit dhe Foggias, në jug të Italisë.

Tifozët e klubit të Serie B, Bari kishin mbuluar rrugën me gozhda, duke detyruar ndaljen e autobusit që po transportonte tifozët e Lecces. Pati disa të lënduar dhe autobusi është djegur.

Bari ka lëshuar një komunikatë duke dënuar sulmin.

“Këto janë incidente që nuk kanë fare të bëjnë me vlerat që Bari gjithmonë i ka përkrahur dhe promovuar”, është shkruar në një komunikatë në faqen zyrtare të Barit.

Roma triumfoi 4:0 në ndeshjen ndaj Lecces.

© KOHA. Të gjitha të drejtat janë të rezervuara.

Komentet

Shto koment

Të ngjashme