Sport

Bach thotë se Lojërat Olimpike mund të organizohen edhe në pranverë të vitit të ardhshëm

Bach thotë se Lojërat Olimpike mund të organizohen edhe në pranverë të vitit të ardhshëm

Kreu i Komitetit Olimpik Ndërkombëtar (IOC), Thomas Bach ka thënë se shtyrja e Lojërave Olimpike në Tokio ka me mijëra probleme logjistike e financiare dhe ngjarja e madhe mund të organizohet edhe para verës së vitit të ardhshëm, shkruan agjencia Reuters, transmeton Koha.net.

Ndonëse shumica po llogarisin që Lojërat Olimpike të mbahen në periudhën korrik-gusht vitin e ardhshëm, Bach ka thënë se mundësia është të organizohen edhe më herët në vitin 2021.

“Marrëveshja është se ne duam të organizojmë këto Lojëra Olimpike më së largu në verën e vitit 2021. Nuk është e kufizuar vetëm në muajt e verës. Gjitha opsionet janë të mundshme, përfshirë edhe verën e vitit 2021”, ka thënë Bach.

IOC-ja e Japonia kanë arritur marrëveshje të martën që për herë të parë në historinë 124-vjeçare të Lojërave Olimpike moderne të shtynë një edicion të Lojërave Olimpike. Është ngjarja e fundit e madhe që është shtyrë këtë vit shkaku i koronavirusit. Ka pasur shumë kritika ndaj IOC-së dhe shumë edhe kanë pyetur pse është dashur aq shumë për të marrë një vendim të tillë.