Sport

Klubet e Premier Leagues po kërkojnë që stinori të përfundohet më 30 qershor apo të anulohet

Klubet e Premier Leagues po kërkojnë që stinori të përfundohet më 30 qershor apo të anulohet

Klubet e Premier Leagues së Anglisë në futboll janë duke kërkuar nga liga që të marrë sa më shpejt vendimin për stinorin 2019-20, ku po kërkohet që stinori të përfundohet deri më 30 qershor, shkruan “Daily Mail”.

Një grup i klubeve, përfshirë edhe disa që janë duke garuar për kupa evropiane stinorin e ardhshëm, po shqetësohen për kontratat që janë të lidhura deri në fund të stinorit zyrtar. Krerët e klubeve po frikësohen se nëse stinori vazhdon në korrik, atëherë do të përballen me beteja ligjore nga lojtarët dhe partnerët komercial.

Takimi i radhës i aksionarëve të Premier Leagues është i paraparë për 17prill dhe klubet duan që temë kryesore e agjendës të jetë afati për përfundimin e stinorit. Gjitha klubet janë të vetëdijshme për situatën, ndonëse jo të gjitha janë në favor për të caktuar një datë për të përfunduar kampionatin.