Sport

Mustafi nuk është në planet e trajnerit Arteta, klubi ia cakton çmimin

Mustafi nuk është në planet e trajnerit Arteta, klubi ia cakton çmimin

Qendërmbrojtësi shqiptar, Shkodran Mustafi, përfundimisht do të largohet nga skuadra e Arsenalit në fund të këtij edicioni. Madje, klubi londinez tashmë ia ka caktuar çmimin Mustafit, i cili nuk bën pjesë në planet e trajnerit Mikel Arteta.

E përditshmja britanike “Express” ka raportuar se Arsenali po kërkon dhjetë milionë euro dëmshpërblim për ta lënë të lirë Mustafin. Në fakt, Mustafi ka rigjetur formën e tij prejse ka ardhur Arteta në krye të Arsenalit në dhjetor të vitit të shkuar, duke e zëvendësuar Unai Emeryn e shkarkuar, shkruan KOHA. Megjithatë, Arteta nuk është i bindur me paraqitjet e Mustafit, duke ia bërë të ditur klubit se nuk llogarit në shërbimet e tij për edicionin 2020/21.