Sport

Manaj e sheh veten në futbollin turk edicionin e ardhshëm

Manaj e sheh veten në futbollin turk edicionin e ardhshëm

Edicioni 2019/20 në Superligën e Kosovës në futboll, që do të rifillojë këtë javë pas pezullimit shkaku i koronavirusit, pritet të jetë i fundit për sulmuesin e Trepçës ’89, Arb Manaj. Manaj edicionin e ardhshëm pritet ta vazhdojë karrierën në një kampionat jashtë kufijve të Kosovës, pasi tashmë ka tërhequr vëmendjen e disa skuadrave evropiane.

Për sulmuesin nga Klina, interesimi më i fortë vjen nga Turqia, saktësisht nga klubet Denizlispor e Goztepe, por nuk mungojnë edhe ofertat nga Suedia, Zvicra e Sllovenia. Manaj 21-vjeçar tashmë ka konfirmuar se në fund të këtij edicioni, do të largohet nga Trepça ’89 për një ekip në Evropë, por që emrin e tij nuk e ka zbuluar. Madje, interesimin e Denizlisporit e Goztepes për Manajn, e kanë konfirmuar gjatë ditës së hënë edhe mediumet turke.