Sport

Superliga do të jetë edhe më e ngjeshur edicionin e ardhshëm

Superliga do të jetë edhe më e ngjeshur edicionin e ardhshëm

Kanë mbetur edhe dhjetë xhiro deri në fund të këtij edicioni në Superligën e Kosovës në futboll, por në Federatën e Futbollit të Kosovës (FFK) qysh tash kanë filluar të mendojnë dhe të bëhen gati për sezonin 2020/21.

Në fakt, edicioni aktual që ka rifilluar këtë muaj pas një pauze gati tremuajshe shkaku i përhapjes së koronavirusit, është i paraparë të përfundojë më 25 korrik, saktësisht me finalen e Kupës së Kosovës që do të zhvillohet më datën 29 të muajit tjetër. Deri në fund të këtij edicioni, orari për ekipet elitare do të jetë i ngjeshur, për shkak se do të ketë ndeshje pothuajse çdo tri ditë. Mirëpo, edhe edicioni i ri nuk do të jetë aspak më i lehtë për shkak se ai duhet të përfundojë gati një muaj para fillimit të “Euro 2020”, turne që është shtyrë për vitin e ardhshëm si pasojë e pandemisë COVID-19, shkruan KOHA.