Sport

Qeveria ua lejon shikuesve hyrjen në stadiume, FFK-ja “jo”

Qeveria ua lejon shikuesve hyrjen në stadiume, FFK-ja “jo”
Foto: Driton Paçarada / KOHA

Klubi më i trofeshëm i futbollit, Prishtina, doli shpejt me një njoftim të martën mbrëma, se ndeshjen e saj kundër kampionit në fuqi të Kosovës, Feronikelit, mund ta zhvillojnë me praninë e shikuesve në tribunat e stadiumit “Fadil Vokrri”.

Reagimi i tyre erdhi pak minuta pasi Qeveria e Kosovës shfuqizoi vendimin që obligonte zhvillimin e aktiviteteve sportive pa praninë e publikut. Në fakt, të martën në mbrëmje Ekzekutivi e ka votuar propozimin e ministrit të Shëndetësisë, Armend Zemaj, i cili do të hyjë në fuqi që nga 28 qershori. Sipas Zemajt, ky vendim ka ardhur pas rekomandimeve që ka marrë nga Instituti Kombëtar i Shëndetësisë Publike. Superliga e Kosovës në futboll, hendboll dhe volejboll janë sportet e vetme kolektive që kanë nisur aktivitet për t’i mbyllur sezonet.