Sport

Leeds United pranë rikthimit në Premier League pas 16 vjetësh

Leeds United pranë rikthimit në Premier League pas 16 vjetësh

Pas 16 vjetësh në “shkretërirë”, Leeds Unites është në prag të rikthimit shumë të pritur në Premier League – për aq kohë sa ekipi mund të mbajë pozitën aktuale deri në fund të sezonit. Triumfi i fundit ndaj Blackburnit (3:1) javën e shkuar e ofroi Leedsin edhe një hap më afër elitës së futbollit anglez pas një kohe të gjatë nëpër ligat e ulëta të Anglisë. Ekipi i trajnerit Marcelo Bielsa prin në tabelë me 78 pikë, një më shumë se West Bromëichi, kur kanë mbetur edhe pesë xhiro deri në fund të këtij edicioni.

Dy skuadrat e para në tabelë sigurojnë ngjitjen direkte në Premier League për sezonin e ri derisa katër të tjerat luajnë në plejof. Me Brentfordin, që është i treti me gjashtë pikë më pak, Leedsi është me një këmbë në elitë, gjë që legjioni i tifozëve fanatikë tashmë e ka nisur festën. Mirëpo Leedsi ishte në pozicion të ngjashëm edhe sezonin e kaluar dhe e humbi rastin për promovim automatik para se të futej në plejof, ku edhe dështoi të siguronte futjen në Premier League.