Sport

Ndeshja ndaj Bayernit, që hapi dyert për Bunjakun

Ndeshja ndaj Bayernit, që hapi dyert për Bunjakun
 

Albert Bunjaku bën karrierë në kategorinë e tretë gjermane, ndërsa Bayern Muencheni ka shkëlqyer në rrugën drejt finales së Ligës së Kampionëve. Bayerni ishte top-skuadër edhe në verën e vitit 2008. Por, në një ndeshje, Bunjaku e kishte vënë në situatë shumë të keqe gjigantin gjerman të futbollit.

Bëhet fjalë për ndeshjen e rrethit të parë të Kupës së Gjermanisë të luajtur më 10 gusht 2008. Bunjaku ishte pjesë e Erfurtit, që u përball me Bayernin. Bayerni fitoi 4:3 në Erfurt para rreth 22 mijë shikuesve, por i gjithë shkëlqimi ishte për Bunjakun, që u aktivizua në fillim të pjesës së dytë dhe realizoi dy gola. Për Bayernin fitorja 4:3 nuk ishte rezultat i pritur. Drejtuesit e klubit kishin shpresuar në një fitore shumë më të thellë e më të lehtë ndaj skuadrës së kategorisë së tretë.