Sport

Përzgjedhësi Challandes ende nuk e di se cilët lojtarë do t’i ketë në dispozicion

Përzgjedhësi Challandes ende nuk e di se cilët lojtarë do t’i ketë në dispozicion
 

Përfaqësuesja e Kosovës në futboll javën tjetër do të grumbullohet sërish, pas afër nëntë muajsh, për duelet e Ligës së Kombeve, ndaj Moldavisë e Greqisë. Në tetor Kosova do të luajë kundër Maqedonisë së Veriut. Por grumbullimi do të jetë jo si herëve të tjera, pasi është situatë shumë e komplikuar. Ka shumë prej futbollistëve kosovarë të cilët luajnë në futbollin zviceran. Dhe pikërisht ky është problemi më i madh, të cilin e ka pranuar edhe vetë përzgjedhësi Bernard Challandes.

Në një intervistë dhënë për “Sportin Total”, përzgjedhësi Challandes tha se ende nuk e di se cilët futbollistë do t’i ketë në dispozicion. Ai tha se po bëjnë përpjekje të mëdha që shteti zviceran e ai norvegjez të bëjnë lëshime për futbollistët e Kosovës dhe kur të kthehen në shtetet e tyre të mos karantinohen.