Sport

Janjeva, sulmuesi i shndërruar në qendërmbrojtës

Janjeva, sulmuesi i shndërruar në qendërmbrojtës
 

Andi Janjeva ka qenë sulmues në fillimet e karrierës së tij si futbollist. Madje, gjatësia e tij ia ka lejuar gjithmonë që të realizojë gola të lehtë dhe të shumtë. Asnjëherë nuk e ka menduar se roli i tij në fushë prej golashënuesi të rrezikshëm do të merrte një kthesë tejet të madhe. Tash, vlerësohet si njëri prej mbrojtësve më premtues te skuadra e Watfordit në Angli. Historia e Andit është mjaft interesante dhe këtë e pranon edhe vetë futbollisti i ri.

“Ka qenë një organizim i një turneu me ekipet si, Chelsea, Fulham e shumë të tjera që janë në regjionin tonë. Një skaut kishte ardhur për t’i përcjellë lojtarët që t’i dërgonte në akademinë e Watfordit. Luajta shumë mirë. Në atë moshë kam qenë sulmues dhe kam shënuar gola vazhdimisht. Përfundoi turneu dhe mu afrua ai person dhe më tha eja në Watford, në qendrën e zhvillimit. Do të kesh ushtrime tri herë në javë më tha, me grupmoshën U8”, nis rrëfimin talenti prishtinas.