Sport

Mobilizohet KB Peja, mban Berishën e Hajrizin

Mobilizohet KB Peja, mban Berishën e Hajrizin

Dardan Berisha dhe Drilon Hajrizi do të mbesin te KB Peja edhe për sezonin 2020/21, që do të nisë në fund të muajit të ardhshëm. Konfirmimin për qëndrimin e Berishës dhe të Hajrizit, që ishin pjesë e Pejës edhe sezonin e shkuar, e ka bërë Fatmir Gashi, që pritet të marrë postin e kryetarit të klubit pas kuvendit zgjedhor që do të mbahet gjatë kësaj jave.

KB Peja aktualisht është pa kryetar, pasi javë më parë Art Gashi dha dorëheqje nga ky post për të liruar vendin për të tjerë që janë të gatshëm ta udhëheqin klubin. Babai i Artit, Fatmir Gashi, edhe më parë ka qenë kryetar i klubit pejan dhe të martën për KOHËN ka thënë se po punohet edhe për rikthimin e trajnerit Adis Beçiragiq, me të cilin Peja e fitoi Kupën e Kosovës në edicionin e shkuar.