Sport

Nëntë muajt e Xhemailit pa asnjë ndeshje në Kinë

Nëntë muajt e Xhemailit pa asnjë ndeshje në Kinë

Më 31 janar të këtij viti, Blerim Xhemaili firmosi me skuadrën kineze Shenzhen. Javën e kaluar u nda me klubin e Superligës së Kinës, për të cilin nuk e ka luajtur asnjë ndeshje kampionale. Ndonëse nuk është paraqitur në kampionatin kinez, ish-reprezentuesi i Zvicrës e vlerëson lart përvojën në Kinë. Ai tashmë është kthyer në Zvicër, ndërsa gjasat janë të mëdha që në janar të firmosë me Zuerichun, klubin ku është rritur e ku është bërë i famshëm.

Mesfushori 34-vjeçar ka përvojë të gjatë e të suksesshme, por në Kinë gjërat nuk i ecën mbarë. Ai kishte kontratë të vlefshme edhe për më shumë se një vit, por e ka shkëputur atë.