Sport

Pa sulmuesit Cavani e Martial, Unitedi synon ta evitojë humbjen nga Leipzigu

Pa sulmuesit Cavani e Martial, Unitedi synon ta evitojë humbjen nga Leipzigu
 

Manchester Unitedi do të jetë pa sulmuesit Edinson Cavani e Anthony Martial për ndeshjen më të rëndësishme të skuadrës në Ligën e Kampionëve, atë kundër RB Leipzigut, të martën mbrëma.

Pasi humbi 3:1 në shtëpi nga Paris Saint-Germaini javën e kaluar, skuadra e trajnerit Ole Gunnar Solskjaer ka pikë të njëjta me ekipin francez dhe RB Leipzigun në Grupin H. Ekipi anglez do të kualifikohet në raundin e nokautit nëse shmang humbjen nga Leipzigu. “Djajtë e kuq” do të jenë pa sulmuesit e rëndësishëm, që u lënduan në fitoren e fundit ndaj West Ham Unitedit (3:1) në kuadër të Premier Leagues.