1 perditesime
22:43

Juve mban hapin me skuadrat e Milanos

Juventusi ka shënuar fitore me rezultat bindës, 3:0, për të mbetur një hap prapa dy skuadrave të Milanos, Interit dhe Milanit.

Të hënën mbrëma në ndeshjen përmbyllëse të xhiros së 23-të të Serie A, Juventusi fitoi 3:0 ndaj Crotones.

Pas dy golave të Ronaldos në pjesën e parë, rezultatin përfundimtar e vendosi Weston McKennie në minutën e 66-të.

Juventusi i ka 45 pikë nga 22 ndeshje. Renditet i treti. Prinë Interi me 53 pikë nga 23 ndeshje, ndërsa Milani i ka 49 pikë nga 23 ndeshje.

21:38

Ronaldo po shkëlqen në ndeshjen ndaj Crotones, Juve udhëheq 2:0 pas pjesës së parë

Superylli Cristiano Ronaldo po shkëlqen në ndeshjen e Juventusit ndaj Crotones. Pas pjesës së parë rezultati është 2:0 në të mirë të kampionit të Italisë.

Ronaldo shënoi për 1:0 në minutën e 38-të, pas asistimit të Alex Sandros. Për 2:0 realizoi gol të bukur me kokë, në minutën e parë shtesë të pjesës së parë. Aaron Ramsey ishte asistues i golit të dytë.

Është kjo ndeshja e fundit e xhiros së 23-të të Serie A.