Sport

Pasi e fitoi Kupën, Peja kërkon edhe titullin e kampionit

Pasi e fitoi Kupën, Peja kërkon edhe titullin e kampionit
 

Peja e ka fituar Kupën e Kosovës në volejboll në konkurrencën e meshkujve për edicionin 2020/2021. Në finalen dramatike pejanët kanë triumfuar me rezultat 3:2 në sete (15:25, 25:21, 27:25, 20:25, 16:14) kundër skuadrës së Ferizajt. Ndeshja interesante u zhvillua në Pallatin e Rinisë dhe Sportit në Prishtinë, të enjten pasdite. Finalja u vendos vetëm në setin e pestë, të cilin pejanët e fituan me rezultatin 16:14 për ta rrëmbyer trofeun e çmueshëm të volejbollit kosovar.

Trajneri i KV Pejës, Qazim Kelmendi, tha për KOHËN pas ndeshjes se kanë qenë të bindur se mund ta fitojnë Kupën. Ai theksoi se skuadra ka pasur kriza në momente të caktuara, por jo nga kundërshtari.