Drita është kthyer te fitorja të shtunën në Superligën e Kosovës në futboll pasi ka mposhtur Feronikelin me rezultatin 3:1. Me këtë fitore kampionia në fuqi vazhdon luftën për titull ndërsa Feronikeli mbetet në pjesën e poshtë të tabelës.
Takimi nisi i baraspeshuar me të dyja ekipet që kërkonin të marrin iniciativën. Por vendasit fituan një penallti në minutën e 15-të me Astrit Fazilun që u ndalua në mënyrë të palejuar.
Nga pika e bardhë i saktë u tregua Festim Alidema për rezultatin 1:0.
Vendasit fituan edhe një penallti sërish me Fazliun në minutën e 25-të. Por kësaj radhe dështoi të shënojë Alidema që goditi transversalen.
Edhe në minutat në vazhdim skuadra nga Gjilani pati shanse të ngritë epërsinë, por pa sukses.
Edhe pjesa e dytë nisi më mirë për vendasit që shënuan në minutën e 49-të. Astrit Fazliu përfitoi nga një gabim i portierit Florian Smakiqi për 2:0.
Vendasit golin e tretë e shënuan në minutën e 73-të me Xhevdet Shabani.
Deri në fund mysafirët arritën të ngushtonin rezultatin në 3:1 me golin e shënuar nga Marko Simonovski.
Me këtë fitore Drita ka 68 pikë në vendin e parë, para Ballkanit e Prishtinës që kanë 67 dhe 66 pikë, por me nga një ndeshje më pak të zhvilluar. Feronikeli ka 35 pikë.
15:52
Drita në epërsi prej një goli ndaj Feronikelit
Drita është në epërsi prej një goli në ndeshjen ndaj Feronikelit. Kampionia në fuqi ka kaluar në epërsi në minutën e 15-të me Festim Alidemën që shënoi nga pika e bardhë për 1:0.
Alidema kishte mundësi të dyfishonte epërsinë sërish nga pika e bardh në minutën e 25-të por goditi transversalen. Në pjesën e parë vendasit kishin shpërdoruan edhe disa mundësi shënimi duke bërë që në pushim të shkohet me rezultatin 1:0.
