Sport

Chelsea synon që me fitore të kalojë në finale të Championsit

Foto: AP
 

Chelsea do të përpiqet ta fitojë ndeshjen e kthimit kundër Real Madridit dhe aspak nuk do të bazohet te rezultati i duelit të parë gjysmëfinal në Ligën e Kampionëve. Kështu ka insistuar trajneri i skuadrës së Chelseat, Thomas Tuchel të martën në konferencën për shtyp.

Chelsea të mërkurën mbrëma (21:00) e pret Real Madridin në stadiumin “Stamford Bridge”. Dueli i parë, i luajtur në Madrid javën e shkuar, ka përfunduar pa fitues, 1:1. Tuchel ka pranuar se synimi i Chelseat është ta eliminojë Real Madridin për t’u kualifikuar në finalen e Championsit, që do të zhvillohet në fund të këtij muaji në Stamboll.